يوميات طالبه (الحصه الاولى) :

ترن ,,, ترن ,,, ترن ,,, اووووه الساعه (6) ؟؟؟!!! والله ماني مصدقه ياريتني ماسهرت امس عـ النت ,,, تسكر ( مقبوله) المنبه وتقول نرقد (5) دقايق بس ونصبي ,,, ((طبعا معروفه النوم كله كوم والـ 5 دقايق هاذين كوم بروحهن)) ,,, المهم بعد ربع ساعه تصبي مستعجله ,,, تتوضا وتصلي الصبح بسرعه وتخش دارها ,,, تي وين حطيت أمس الجوليه امتاعي ؟؟؟!!! اه أذكرت ,,, يعني ليش ما نلبس لبسه اخره كيف العالم منيش عارفه ؟؟؟ من الي اخترع هالزي الموحد بس ؟؟؟ هذا الي قدروا عليه الزي ؟؟؟ازعما من علينا اول حصة ؟؟؟ اه اه اه يي يي يي يي رياضيات ,,, ان شالله الابله تمرض ولا يسيرلها شي حاجه ومتجيش يارب ,,, مقبوله .. مقبوله .. مقبوله : تعالي أفطري ,,, باهي باهي يايااااام اني جايه ,,, شنو الفطور ؟؟؟ في عندك قهوه ولا حليب وخبزه ؟؟؟ خلاص معنديش نيه ديما ديما حليب ليش متجيبولنا برتوش (وتقصد بريوش) ولا فوست (وتقصد توست) كيف باقي العرب ؟؟؟ بيب بيب بيب بيب بيب ,,, باهي باهي ااااني جايه مش عارفه ليش مستعجل هالسواق ؟؟؟ تقول واخذنه للسوق ؟؟؟!!! تنزل (مقبوله) من الحافله وتدخل المدرسه ,,, تلقى صاحبتها (جميله) بعد التسليم بـ الخد طبعا تقول لها زمان ما شفتها ,,,جميله تقول لـ مقبوله .. حليتي واجب الرياضيات ؟؟؟ واااااااو والله نسيت عطيني الحل بسرعة ... هضا كله حل ؟؟؟ واااجد منقدرش نكتبه كله ؟؟؟ (مسعوده) عاطيني حلك انتي اكيد شووويه ,,, الحمدلله كتبته مشكورة يا مسعوده نخدموك في الافراح ,,, (جميله): اه خطرها ع الافراح قالوا صالة النسيم دارولها صيانه جديده والاسبوع الجاي فرح (احمد) ولد سيدي بيش اتفضلوا ؟؟؟ طق طق طق طق طق ,,, السلام عليكم يابنات ,,, وعليكم السلام ياأبلة ,,, الابله : ليش ما حد مسح السبورة ؟؟؟ بالك تبوني انا اللي نمسحها ؟؟؟ يله تصبي وحده منكم تسحها بسرعه ؟؟؟ تصبي (فاطمة) وتمسح السبورة ,,, (فاطمة): ابلة استاذن نمشي نغسل يدي ؟؟؟ (الابله) : ليش عندك حساسية ؟؟؟ ارتزعي مكانك ,,, ترد فاطمة مكانها وهي قالبة وجهها ,,, (مقبوله تكلم في روحها): وااااو علي هـالأبلة من 18 سنة وهي درس ما ملت ,,, وعمرها ما غابت ,,, ولا شنو ها لجلباب اللي لابسته من وين شاريته ههههههههه ,,, اكيد جاها هدية يوم زواجها من30 سنة هههههههههههه ,,, (الابله) : مقبوله ؟؟؟ مقبوووووله ؟؟؟ مقبوووووووله وين سارحه ؟؟؟ (مقبوله): نعم يا ابله ؟؟؟ (الابله): تعالي حلي المسألة ,,, (مقبوله) : اي مسأله ؟؟؟ (الابله): تي تعالي وبعدين نتفاهموا اي مسألة ,,, صبت (مقبوله من مكانها ومشت شور السبوره ,,, (الابله): حلي مسألة 19 ,,, (مقبوله): بس هذي درس اليوم يا ابله!!! ,,, (الابله): واذا كانت درس اليوم فكري وحليها ؟؟؟ (مقبوله) : حاضر .. وتمت تكتب وخلاص ع السبوره ماهي عارفه الخبر ايسما ,,, (الأبله): كل وحدة تسرح يسيرلها كي مسار مقبوله انتبهو معاي خيرلكم .. مقبوله ردي مكانك بس خليك مصبيه ,,, ترد (مقبوله) مكانها وتكملها تصباي ,,, باقي على الحصة 5 دقايق ,,, (الأبله) : مقبوله اقعدي اصل انا قلبي رقيق ما نقدر نعاقب حد ,,, تقعد مقبوله ويرن الجرس وتطلع الابله من الفصل ,,, وتكمل الحصه الاولى ... وأكتفي انا بذلك وأترك لكـــم ان تكملوا باقي الحصص ......

ناصر العوكلي ...