يوم الجمعة والعيلة مجتمعة
الجدة في فراشها في زاوية غرفة الجلوس
وعلى ركبتيها الضعيفتين سجادة الصلاة فوق وسادة مهترئة
السلام عليكم ورحمة الله ,
السلام عليكم ورحمة الله’’’
يا طه وياسين ,
ويا حروف الدين,
فرج عالمكروبين
الله يرحمك يا مفتاح
على قد ماريت منك وعلى قد ما ريت مني
الله يرحم التريبة اللي سفيت عليك
يا رب البيت استر ما ريت
يا شديد حيله نجي هالعويلة
واين هم العويلة ؟
في الغرفة المجاورة يحلون قضايا مصيرية
تؤثر في حياتهم الأسرية وتهددها
الابن الاصغر :العجوز بهدلتنا كان خشت للحمام ما عاد تطلع نين تقضي عالتنك كله,
علي اليمين قعدت كل يومين نشري سيارة امية,
وكان سيبنا الباب امحلول تطلع وتاخذ وجها
اول امس قريب وخر عليها جارنا بالكرهبة
وتقعد كشفة على طول عمركم
الابن الاوسط :ننقنها ودرت بكل يا جماعة يومتا خذيتا عندي للحوش
قعدت لاوية وجها وتهزب في البنات وتضرب
في اللي ايجي يالاها بالباكور ,والله مشكلة
ابنتها :والله ناخذها عندي انا مش قايلة شي
لكن دروجنا ماتقدرش عليهن امي
وبعدين القعدة عند النسيب علة بلاطبيب راهي في وجوهكم انتوا
الابن الأكبر البكري : ما اتحشموش على وجوهكم
وانتوا تحكوا في هالكلام لعنة الله عليكم يلعن بوك ضنوة
اسمعوا كلمة وحدة العجوز تقعد هنا في حوشها
معززة مكرمة ومعاها عيت علي(الابن الاصغر) غصبا عنهم
حتى هو لاخدمة لاقدمة وايطخ في راتب الشايب عالفاضي
ايحلل لقمته شوية عليش ضانيتك امك ...خزي
و نجي هالعويلة ...
غديـــــر
ليست هناك تعليقات:
إرسال تعليق